Príslækkingar
Nevndirnar í P/F Norðoyatunlinum og P/F Vágatunlinum hava avgjørt at lækka prísirnar frá 1. august 2017.
Prísirnir broytast soleiðis:
- Prísurin fyri hvønn túrin við haldi lækkar 16,7%, úr 30 krónum niður í 25 krónur. Hereftir ber til at ogna sær 20-túrahald fyri kr. 500,-, 40-túrahald kr. 1.000,-.
- Hald til akfør longur enn 6 metrar. Prísurin lækkar 25,9%, úr kr. 135 niður í kr. 100 fyri hvønn túrin
Prísirnir fyri árshaldini og stakar túrar vera óbroyttir.
- Eftir hesum broytingum verða prísirnir framvegis teir somu í báðum tunlum.
Galdandi frá 1/8-2017 | Stakir túrar 1 t/r | Lítið hald 20 túrar | Miðal hald 40 túrar | Stórt hald | Árshald |
Akfør upp til 3.500 kg og styttri enn 6m | 100 kr | 500 kr 25 kr/túr | 1.000 kr. 25 kr/túr | 200 túrar 5.000 kr. 25 kr/túr | 6.000 kr 500 kr./mánaðin |
Akfør yvir 6 m. (bussar,lastvognar) | 300 kr. | 2.000 kr 100 kr/túr | 4.000 kr 100 kr/túr | 100 túrar 10.000 kr 100 kr/túr |
Prísbroytingarnar fara væntandi at kosta báðum feløgunum knappar 5 mió. kr. í minni inntøku.
Tekna hald og spar 75%!
Príslækkingarnar økja um prísmunin millum ferðakostnaðin hjá teimum, sum hava hald, og teimum sum ikki hava hald. Við haldi kann ein persónbilur koyra 4 ferðir gjøgnum tunlarnar fyri somu upphædd, sum tað kostar uttan hald. Uttan hald (persónbil) er kostnaðurin framvegis kr. 100 fyri ein stakan túr. Á heimasíðu felagsins – www.tunnil.fo – ber til at tekna hald. Eitt túrahald kann ognast fyri kr. 500, kr. 1.000 ella kr. 5.000 og tá kann koyrast ávikavist 20, 40 ella 200 ferðir í tunlunum. Tað er eingin tíðaravmarking fyri hvussu leingi eitt hald er galdandi.